ಮಜಾದಲ್ಲಿ ಬದ್ಕಿ, Nothing Serious, ಹಾಗೆ ಸುಮ್ನೆ – ೧

ಅದೆಲ್ಲವನ್ನು ಬಿಟ್ಟು ಬಹುಶ: ನಮಗೆ ಬದುಕಲು ಸಾಧ್ಯವೇ ಇಲ್ಲವೇನೋ! ಅದೆಲ್ಲಿಯೋ ಥಟ್ಟನೆ ಅದ್ಯಾರಿಗೋ ತಿಳಿಯದೇ ಕಾಲು ತಾಗಿಸಿಬಿಡುತ್ತೇವೆ. ಥಟ್ಟನೆ ಕೈಯಲ್ಲೇ ನಮಸ್ಕರಿಸುತ್ತೇವೆ. ಹಲವರು ಒಮ್ಮೆ ನಮಸ್ಕರಿಸಿದರೆ ಇನ್ನು ಕೆಲವರು ಮೂರ್ನಾಲ್ಕು ಬಾರಿ. ನಮ್ಮ ಸಂಸ್ಕೃತಿಯ ಪ್ರಕಾರ ನಾವು ಎದುರುಗಡೆ ಸಿಕ್ಕವರಿಗೆ ನಮಸ್ಕಾರ ಅಥವಾ ಹರಿ ಓಮ್ ಎನ್ನುವುದು ರೂಢಿ, ಈಗಿತ್ತಲಾಗೆ ಹೆಲ್ಲೋ ಎನ್ನುತ್ತೇವೆ ಬಿಡಿ. ಹರಿ ಓಮ್ ಎನ್ನುವಾಗ ಅದರ ಅರ್ಥವೇನೆಂದರೆ ಎದುರಿನ ದೇಹದಲ್ಲಿರುವ ಆತ್ಮವೆಂಬ ದೈವಕ್ಕೆ ನಮಸ್ಕರಿಸಿದಂತೆ. ಈ ಕಾಲು ತಾಕಿದಾಗ ನಮಸ್ಕಾರ ಮಾಡುವುದರ ಹಿನ್ನೆಲೆಯೂ ಎದುರಿನವರಿಗೆ ನಮಸ್ಕರಿಸಿದಂತೆ. Infact sorry ಎಂದಂತೆ. ದೇವ ಜಗತ್ಸರ್ವವ್ಯಾಪೀ ಎನ್ನುವ ಜನ ನಾವು.
ಆ ದಿನ ಬಸ್ಸಿನಲ್ಲಿ ಸಿಕ್ಕಾಪಟ್ಟೆ ಜನ ತುಂಬಿದ್ದರು. ಪ್ರತೀ ಬ್ರೇಕ್ ಗೂ ತಿಕ್ಕಾಟ ಬಯ್ದಾಟ ಸಹಜವೆಂಬಂತೆ ಜನರೆಲ್ಲ ಅದನ್ನು ಅದ್ಯಾವುದೋ ಒಂದು ಕಾಲದಿಂದ ನಡೆದು ಬಂದ ರೂಢಿಯಂತೆ ನಡೆಸಿಕೊಂಡು ಹೋಗುತ್ತಿದ್ದರು. ಅದರ ಮಧ್ಯೆ ಅಲ್ಲ್ಯಾರೋ ಇಬ್ಬರಿಗೆ ಜಗಳ ಹತ್ತಿ – ಜೋರಾಗಿ ಮತ್ತೆ ಶಾಂತವಾಯಿತು. ಜನರೆಲ್ಲ ಸಹಜವೆಂಬಂತೆ ತಮ್ಮ ತಮ್ಮ ವರಸೆಯಲ್ಲಿ ಯಾರದ್ದು, ತಪ್ಪು ಯಾರದ್ದು ಸರಿ ಎಂದು ವಿಮರ್ಷೆಗಿಳುದು ತೀರ್ಮಾನ ಕೊಟ್ಟೂ ಮುಗಿಯಿತು. ಇದೆಲ್ಲ ಆದ ಸ್ವಲ್ಪ ಹೊತ್ತಿನ ನಂತರ , ಆ ಜಗಳ ಆಡಿಕೊಂಡ ಒಬ್ಬನ ಕಾಲು ಅಕಾಸ್ಮಾತಾಗಿ ಇನ್ನೊಬ್ಬ ಜಗಳಭಾಗಿಗೆ ತಾಗಿಬಿಟ್ಟಿತು. ಆಗ ಆತ ಥಟ್ಟನೆ ಕೈಯ್ಯನ್ನೇನೋ ಮುಗಿದುಕೊಂಡ ಮತ್ತೆ ಪ್ರಕೃತಿ ಸಹಜ ಜಗಳ ಶುರುವಾಯಿತು. ಈತ ಕೈ ಮುಗಿದದ್ಯಾಕೆ ಮತ್ತೆ ಜಗಳ ಮಾಡಿದ್ಯಾಕೆ ! ಇದೆಲ್ಲ ಮಜಗಳ ಮಧ್ಯೆ ಬದುಕುವುದೇ ಒಂದು ದೊಡ್ದ ಮಜ ಬಿಡಿ.. ನೋಡಲು ಒಂದು ಕಣ್ಣು ಸಾಕು ಬದುಕಲು !

Advertisements

4 thoughts on “ಮಜಾದಲ್ಲಿ ಬದ್ಕಿ, Nothing Serious, ಹಾಗೆ ಸುಮ್ನೆ – ೧

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s